BUTUAN CITY – Importante ug anaa sa saktong panahon ang imbestigasyon sa Senate Blue Ribbon Committee kalabot sa pagpangawat sa pondo sa katawhan pinaagi sa gipatumang mga flood control projects.
Sigon ni Jeffrey ‘Ka Eric’ Celis, maka-ayo sa tanan nga aduna nay pormal nga pagtuki ug makita na sa katawhan kung unsa ka bastos ang mga hakog nga politiko nga kakunsabo sa mga contractors aron makabulsa og dakong kwarta.
Gani aduna usab matud pay mga kontraktor nga nahimong kongresista ug vise versa.
Dugang pa ni Celis, klaro kaayo ang kalisud sa nasud naggikan sa nagkagrabe nga korapsyon, hinungdan sa nagkakuwang nga mga school buildings.
Dugang pa niini, tungod sa kakuwang sa imprastraktura sa nasud diin 12 million out of 20 million ka mga out of school youth nga nag edad og 7 ngadto sa 12-anyos, wala makakumpleto sa pagtungha tungod sa guba nga mga kadalanan.
