-- ADVERTISEMENT --

BUTUAN CITY – Patay ang usa ka pulis sa Carmona Component City Police Station sa Cavite samtang laing usa ang angol sa natigayong pagpamusil pasado alas-9:20 kagahapon sa buntag sulod sa premises sa maong police station dihang nangilog og armas ang bag-o lang nakagawas nga ex-convict gikan sa Iwahig Prison and Penal Farm kinsa nag-atubang og kasong murder.

Sigon ni PMajor Robert Dimapilis, officer-in-charge, sa maong police station, niadto pang Hunyo 28 ning tuiga gibuhian gikan sa maong prisuhan ang suspetsadong gi-ila lang sa alyas nga ‘Al,’ 29-anyos, residente sa Brgy. Limook, Basilan, kinsa gidala sa maong police station tungod sa alegasyong trespassing kondiin nagdumili pa pagpasaka og kaso ang reklamante samtang gikostudiya una ang suspek alang sa dokumentasyon.

Apan kalit lang gi-ilog niini ang service firearm sa usa ka police officer dayong pabuto hinungdan sa pagka-igo ni Police Master Sergeant Joel Mendoza sa nagkada-iyang parte sa iyang lawas samtang sa walang tiil usab si Senior Police Officer Joseph Martin Fabula ug dinhi na usab gipusil sa ka-ubanang pulis ang suspetsadong si alyas Al.

Parehong gidala sa Pagamutang Bayan ng Carmona ang tulo kondiin gibalhin si Mendoza ngadto sa Perpetual Help Medical Center apan gideklara siyang patay sa attending physician samtang nakagawas na ang laing pulis human natambalan ug ang suspek, gideklara usab nga patay dihang gitambalan.

Narekober sa crime scene ang gigamit nga armas nga usa ka Glock 9mm pistol nga iya sa namatay’ng pulis ug subject kini sa imebstigasyon.

-- ADVERTISEMENT --