BUTUAN CITY – Anaa na sa state of decomposition dihang napalgan ang patay’ng lawas ni Dante Ranario, 31-anyos, usa ka automotive body builder ug lumad nga taga-Brgy. Villamonte, Talacogon, Agusan del Sur, sa hilit nga bahin sa P11, Brgy. Aupagan ning siyudad sa Butuan ning mi-aging alas-3:00 ang takna sa hapon.
Base sa Butuan City Police Station kon BCPS-4, napalgan ang lawas sa biktima tungod sa dili na masingo nga baho.
Nasuta sa imbestigasyon nga niadto pang Hunyo 1 nilakaw ang biktima kansa nanugon-tugon na matud pa sa iyang mga ig-agaw.
Upat ka adlaw human mawala, napalgan ang iyang gisakyan nga motorsiklo apan wala siya rason nga gi-turn over kini ngadto sa kapulisan. Wala’y nakitang foul play ang kapulisan tungod kay klaro matud pang nag-unay kini pagkutlo sa iyang kinabuhi.
