Kritikal ang kahimtang sa 39-anyos nga kandidato sa pagkapresidente sa Colombia nga si Miguel Uribe Turbay human kini gipusil sa ulo sa tulo ka higayon samtang nagkampanya sa Bogotá.
Sumala sa mga taho, naigo siya og duha ka bala sa ulo ug usa sa tuhod atol sa iyang talumpati sa usa ka parke. Usa ka 15-anyos nga suspek ang dali nga naaresto.
Ang iyang asawa nga si Maria Claudia Tarazona misibya sa kahinulsol ug nag-awhag sa publiko sa pag-ampo alang sa dali nga pagkaayo ni Turbay.
Gitambalan karon si Turbay sa Santa Fe Clinic diin nagahimo usab og prayer vigil ang iyang mga tagasuporta.
Gikundena sa partido ni Turbay ug sa gobyerno ang maong pagpamusil, nga ilang gihulagway nga usa ka pagsupak sa demokrasya sa nasud.
Ang U.S. Secretary of State nga si Marco Rubio usab nagpahayag og pagkondena sa nahitabo.
Si Uribe nagikan sa usa ka iladong political family sa Colombia—ang iyang inahan nga si Diana Turbay, usa ka inilang priyodista, nga mingtaliwan niadtong tuig 1991 human gikidnap sa Medellín cartel nga gipangulohan ni Pablo Escobar.
