BUTUAN CITY – Mi-abot sa 16 ka mga lalaking Taiwanese nationals ug usa ka babaye nga mga membro sa ‘Four Seas Gang, sa Taiwan ang nasikop sa hini-usang pwersa sa National Bureau of Investigation kon NBI, Armed Forces of the Philippines ko AFP, og Taiwanese police attache kagahapon, Mayo 15, sa usa ka high-end subdivision sa Barangay Banilad, Cebu City.
Ang mga dinakpan gika-ingong mga pugante sa Taiwan nga nanibat og mi-anhi sa Pilipinas ug dinhi na nagtago-tago.
Sa maong ihap, unom kanila ang duna na’y gi-atubang nga mga kaso sa ilang teritoryo kansa duna’y kalambigitan sa ginadiling druga, money laundering og uban pa.
Sigon ni NBI agent Ranier Dela Cruz, nakig-alayon gilayon sila sa AFP human nakadawat og impormasyon kalabot sa mga puganteng Taiwanese nga nagtago sa siyudad uban sa pakig-alayon usab sa Taiwan Police bitbit ang search warrant.
Sa monitoring sa NBI nasuta nga ang mga dinakpan nalambigit sa pagpangilad o pagpang-scammer nga nangbiktima kasagari og mga langyaw pinaagi sa ilang modus nga “Roman Scam” kondiin malukmay matud pa nila ang ilang katransaksiyon.
