BUTUAN CITY – Patay ang duhaka mga pulis sa lungsod sa Naujan, Oriental Mindoro human na-igo sa kilat sulod sa ilang kampo ning mi-aging alas-10:30 sa gabii.
Base sa inisyal nga imbestigasyon sa Police Regional Office-4B, posibleng nagparada sila sa ilang motorsiklo dihang na-igo sa kilat sa gawas nga bahin sa kampo nga nahimutang sa Barangay Pinagsabangan.
Mi-abot pa og kapin sa usa ka oras adiser nadiskubrehan sa ilang mga ka-ubanan sa Regional Mobile Forces Battalion ang ilang nadangatan rason nga dali silang gidala sa ospital apan gideklarang dead on arrival sa attending physician.
Nagpa-abot na sa iyang pahasubo si Police Regional Office 4B director Brig. Gen. Roger Quesada ngadto sa pamilya sa mga biktima dayong saad nga hatagan sila sa angayang ayuda ug benepisyo.
Madumdumang niadtong tuig 2009, duha usab ka mga membro sa Special Action Force ang patay samtang laing unom pa ang angol human na-igo sa kilat samtang nag-ayo og radio antenna sa lalawigan sa Abra.
