BUTUAN CITY – Gisugdan na kagahapong adlawa, Mayo 15, sa Department of Budget and Management (DBM) ang pagpanghatag sa mid-year bonus alang sa mga empleyado sa gobyerno nga bugti sa ilang usa ka buwang basic pay.
Sa gipagawas nga statement sa Department of Budget and Management (DBM), kwalipikadong makadawat og bonus ang mga silbilyan ug mga military personnel basta nagtrabaho sa kinatibuk-ang upat ka buwan gikan sa Hulyo 1, 2024 hangtud Mayo 15 ning kasamtangang taon.
Kinahanglang nakadawat usab sila og satisfactory performance rating ug nagserbisyo na sa gobyerno as of May 15.
Ang m aong benepisyo, gigahinan sa DBM og ₱63.695 billion kondiin ang ₱47.587 billion niini alang sa civilian personnel samtang ang nahabiling ₱16.108 billion, alang sa military ug uniformed personnel.
Alayon niini, gi-awhag ni Budget Secretary Amenah Pangandaman ang mga heads sa mga ahensiya sa gobyerno nga ipanghatag gilayon ang midyear bonus sa ilang mga empleyado.
Una nang gibutyag ni Sec. Pangandaman nga na-release na sa DBM ang mid-year bonus sa mga implementing agencies niadtong Enero ning tuiga.
