BUTUAN CITY -Sa laing higayon sulod lang sa walo ka adlaw, nahagsa ang Fighter Attack kon F/A-18F Super Hornet jet sa Estados Unidos sa Red Sea gikan sa United States Ship kon USS Harry S. Truman aircraft carrier samtang misulay og landing, human mapakyas ang maneuver nga mugna sa pagka-overboard sa eroplano.
Ang duha ka piloto malampusong naka-eject ug na-rescue gamit ang helicopter, uban sa gamay nga injury.
Kini nga insidente misunod sa laing nahitabo sa mi-aging semana diin usa ka Super Hornet usab ang nahulog sa dagat human nawad-an og kontrol ang crew samtang gi-tow kini sulod sa hangar bay, nga miresulta usab sa pagkasamad sa usa ka marino ug pagkahulog sa towing vehicle.
Sumala sa mga opisyal, ang pinakabag-ong insidente posibleng resulta sa kapakyas sa arresting cable ug sa kalit nga apgliko sa barko aron malikayan ang hulga sa mga Houthi militants kansa padayon pang gi-imbestigahan kondiin ang eroplano wala pa marekober.
