BUTUAN CITY – Gimando na ni Police Regional Office kon PRO-X Director BGen Jaysen De Guzman ang lawom nga imbestigasyon sa kamatayon sa tulo ka batan-ong pulis human ang kusog nga pagkabangga sa ilang gisakyang motorsiklo ngadto sa usa ka trak sa Purok 2, Brgy Pigcarangan, lungsod sa Tubod, lalawigan sa Lanao del Norte.
Naila ang mga biktimang sila Corporals Samanodin Mamarinta Panganting, minyo, residente sa Brgy. Pened, lungsod sa Poona Piagapo; Juderay Sabate Rubillar, 29-anyos, minyo, residente sa Purok 1, Brgy. Abaga, lungsod sa Lala ug Frederick Denn Morales Espra, 33-anyos, minyo nga molopyo sa Brgy Taguictic, lungsod sa Kapatagan sa maong probinsya, pulos .
Apil sa imbestigahan ang pipila ka opisyal sa Lanao del Norte Police Provincial Office aron masuta ang rason nganong anaa pa sa kadalanan ang maong mga biktima nga parehong aktibong membro sa maong buhatan.
Detinado na usab ang truck driver nga si Jonre Rosie Banuelos,34 anyos, minyo nga taga-Purok 4, Brgy Guba, Clarin, Misamis Occidental gumikan sa hitabo kagahapon sa kaadlawon.
