BUTUAN CITY – Nalunupan na sa tubig baha ang ubay-ubay nga mga lugar sa lalawigan sa Agusan del Sur tungod sa nagbuntag nga pagbundak sa ulan hatud sa easterlies.
Gani didto sa lungsod sa Prosperidad, mi-abot na sa mga lawak-tunghaan sa La Caridad Elementary School ang lapad nga tubig-baha hinungdan nga wala’y klase.
Nasayrang misaka na usab ang levelsa tubig-baha sa Gibong River sa may Bahbah, Brgy. Poblacion sa maong lungsod rason nga gipa-amping ang tanan ug gitambagan nga dili mutabok sa tubig-baha aron paglikay sa dautang mahitabo.
Una nang nagpahimangno ang state weather bureau nga ang maong lalawigan, makasinati og mapanganuron nga kalangitan uban sa katag-katag nga mga pag-ulan, pagpangilat ug panalugdog tungod sa shearline nga posibleng mghatud og kalit nga pagbaha ug pagdahili sa yuta sa panahong adunay kasarangan ngadto sa makusog nga pag-ulan.
