BUTUAN CITY – Gidepensahan ni Surigao del Norte first district Congressman Francisco Jose ‘Bingo’ Matugas II ang iyang pagpirma aron mapa-impeach si Vice President Sara Duterte sa House of Representatives.
Sigon ni Congressman Matugas, ang impeachment proceedings mao ang iyang nakitang pamaagi aron mahatagan og due process ang besi presidente diin siya makadepensa sa iyang kaugalingon ug aron mapakita ang mga ebidensiya og mapamatud-an nga sayup ang mga alegasyon batuk kaniya.
Gibutyag niini nga dili kini ang unang higayon kundi ikalima nga dunay impeachment proceedings sa Pilipinas. Samtang gibutyag usab ni Congressman Matugas nga kinahanglan lang og 8 ka senador nga mosupak sa impeachment complaint diha sa impeachment court, aron ma-aquit na ang besi presidente.
