BUTUAN CITY – Pabiling tanghaga karon sa tanan ilabina sa mga pulis ug mga doktor kung nganong wala muduot ang bala sa caliber 22-revolver nga gigamit sa usa ka ama-ama pagpusil sa iyang kaugalingon human nabulabog nga duha ka tuig na niyang gikunsumo ang 16-anyos nga dalagitang anak sa iyang ka-ipon Brgy. Colon, Naga City, Cebu.
Makita sa x-ray nga nag-ong ong lang sa agtang sa suspetsado ang bala sa armas rason nga didto kini gibitbit padulong sa ospital inay nga adto unta sa prisuhan o kaha sa punerarya kung kini na-intimanko pa.
Madumdumang na-abtan kini sa mga sakop sa National Bureau of Investigation (NBI) Central Visayas Regional Office (CEVRO) ug sa kapulisan sa Naga City sa iyang hideout sa Sitio Cajambay dihang gilusad ang hot pursuit operation human nga misumbong na sa iyang lola ang biktimang gitago lang sa pangalang Angel.
