Na-missing nga 6-anyos nga batang naputla’g ulo, gilubong na

BUTUAN CITY – Gilubong na kagahapon ang 6-anyos nga batang lalaking wala na’y ulo nga napalgan sa sapa sa Brgy. Libjo, lungsod sa Tabogon, Cebu niadtong Enero 17 human na-missing niadtong Enero 9.

Gisinggit gihapon sa pamilyang Caballes ang hustisya alang sa ilang anak kinsa taliwa sa kalinghod sa pangidaron niini, makamao nang mu-vlog ug duna na usa’y mga followers.

Igo na lang sa pagpangayo og pasaylo ang amahan ngadto sa iyang anak nga wala niya kini maprotektahi sa panahon nga gikinahanglan siya gikan sa mga dautang tawo sa ilang palibot dayong saad nga pangitaon ang mibuhat niini ngadto kaniya aron masilutan.