BUTUAN CITY – Nagpadayon karun ang amnestiya nga gipatuman sa lokal nga panggamhanan sa siyudad sa Butuan sa mga na-impound nga mga sakyanan.
Sigon ni Butuan City Councilor Ferdinand Nalcot nga namugna ang City Ordinance 7197-2024 tungod sa hangyu nga gipaabot ngadto kanila nga una mapaubsan ang ilang bayrunon.
Base sa maong ordinansa, sakop sa maong amnestiya kadtong mga nadakpan ug na impound nga sakyanan gikan sa Hulyo 1, 2024 hangtod November 30, 2024 diin ubos nga kantidad ang pagabayran sa tag-iya.
Ang Bisekleta/ Pedicab/Single motor/tricycle muabot lang sa 3-mil pesos; four-wheeled vehicles anaa sa 5-mil pesos; og Motor vehicle nga sobra sa upat ang ligid anaa sa 10-mil pesos.
Mamahimong moadto lamang ang tag-iya sa sakyanan sa opisina sa Butuan City Transportation and Traffic Management Department kon CTTMD sa may CARBDP Bldg., duol sa motorpool,Doongan, Butuan City ug magdala sa mga rekisitos sama sa: Proof of Ownership of the impounded vehicle nga mao ang OR/CR; duha ka Photocopies sa valid government-issued ID; Barangay Certification of Residency sa tag-iya; Duly notarized Special Power of Attorney, kung representante lang sa tag-iya ang mokuha sa sakyanan nga na-impound; Affidavit of Undertaking ugaling expired ang vehicle’s registration/MTOP/Franchise. Ang maong amnestiya ma avail lamang gikan niadtong Enero 7, 2025 hangtod Hulyo 7, 2025.
Sumala pa ni KOnsehal Nalcot nga anaa sa 90 ka mga sakyanan ang anaa sa impounding area dayung awhag nga mo-avail sa amnestiya kay duna rabay katungod ang LGU-Butuan nga e-dispose kini ugaling dili na bali-balihon sa tag-iya.
