BUTUAN CITY – Gibana-banang mu-abot sa 30 ngadto sa 40-mil ka mga indibidwal ang mulambigit sa himoong National Rally for Peace sa Iglesia ni Cristo karong adlawa Lunes, Enero 13 sa may City Sports Complex sa Barangay Libertad ning siyudad sa Butuan nga salmutan sa mga indibidwal gikan sa nagkada-iyang sektor sa Caraga Region nga misuporta sa ilang panawagan alang sa kalinaw sa tibuok nasud.
Sigon ni PLt. Crispulo Alburo, tigpamaba sa Butuan City Police Office, andam na sila paghatag og seguridad sa maong venue api na sa entiro siyudad ka-abag ang mga sakop sa Bureau of Fire Protection kon BFP, City Transportation, Traffic and Management Department kon CTTMD aron walay mabalda ang rali ilabina diha sa dagan sa trapiko.
Samtang lakip sa manalmot sa himoong National Rally for Peace sa Iglesia ni Cristo dinhi sa dakbayan sa Butuan ang mga membro sa ubang parte sa Caraga region, partikular na sa Surigao del Sur. Sumala ni PCol Harry Domingo, ang provincial director sa Surigao del Sur Police Provincial Office, karong pang adlawa pa nila masuta ang ihap sa mga manalmot gikan sa ilang probinsya.
Dugang niini, mamalik lamang ang maong mga partisipante human sa kalihukan ug wala na kini plano pa nga magpondo dinhi sa dakbayan sa Butuan.
