-- ADVERTISEMENT --
BUTUAN CITY – Tingkagol na sa karsel sa Butuan City Police Station 5 nga nakabase sa Brgy. San Mateo ning siyudad sa Butuan ang usa ka ulitawo nga gika-ingong miluba-patay sa usa ka membro sa LGBTQ+A didto sa Purok 19, Brgy. Tungao kaganinang kaadlawon, paglapas lang gayod sa alas-12:00 sa tungang gabii sa mismong kasa-ulugan sa Pasko.
Ang suspetsadong gi-ilang si Max Campos, nakita pa sa pipila ka mga naka-ila kaniya nga may miluba-luba kang alyas ‘Jeanygurl Lumindas’ kondiin nahabwa pa ang tinai niini.
Sa eksklusibong pakighinabi sa Bombo Radyo Butuan, gibutyag ni Butuan City Police Office spokesperson PLt. Crispulo Alburo nga padayon pang gisuta ang motibo sa kremin.
