BUTUAN CITY – Giklaro ni PCaptain Jomar Gacosta, hepe sa kapulisan sa Loreto, Agusan del Sur nga ang kahadlok sa 18-anyos nga dalaga nga masayran nga ang iyang first cousin ang nakabuntis kaniya, maoy nagtukmod kaniya nga ilabay ang iyang anak duol sa pansayan sa ilang balay sa Sitio Aurora, sa Brgy. Johnson.
Kini human mitug-an sa iyang ginikanan ang suspetsado dihang namatay ang bata tungod sa pagka-igo niini sa ulo human niini gi-itsa ang sundang tumong sa iyang nahimutangan, dihang nadunggan sa amahan sa suspetsado ang hilak niini.
Base sa ilang interogasyon sa dalaga, wala gayod kini planong angkunon ang bata tungod sa kahadlok kung unsa ang mahimo sa iyang ginikanan ngadto kaniya tungod kay manag-agaw sila sa amahan sa nakabuntis kaniya.
Apan gipadayag matud pa sa inahan sa suspetsado nga dili unta mu-abot pa sa ingon niini nga kremin kung ila pang nasayran ang maong sitwasyon.
Gikakurat usab ni Purok Chairman JunJun Pastor ang maong hitabo ilabina nga siya ang naningkamot pagpahiluna sa bata tungod kay wala may mi-angkon niini adiser pa man ang interogasyon sa 18-anyos niining inahan. Samtang ang ilang kapitan usab ang nagdala niini sa ospital, nagpamisa, ngadto na sa pagpalubong niini.
