BUTUAN CITY – Girekomenda karon sa House Quad Committee (QuadComm) ang pagpasaka og mga kaso batuk nila kanhi Pangulong Rodrigo Duterte, ug Senador Ronald ‘Bato’ dela Rosa ug Bong Go, tungod sa mga kamatay nga mugna matud pa sa drug war atol sa Duterte administration.
Sigon ni QuadComm lead chairperson ug Surigao del Norte Rep. Ace Barbers, gilapas nila Duterte, dela Rosa ug Go ang Republic 9851 kon mas nailang Philippine Act on Crimes Against International Humanitarian Law, Genocide and Other Crimes Against Humanity.
Nakiusab sa komite nga angayang manubag sila kanhi police chiefs Oscar Albayalde ug Debold Sinas, retired Police Colonels Royina Garma ug Edilberto Leonardo ingon man sil kanhi Palace Assistant Irmina “Muking” Espino.
Sigon ni Barbers, naklaro sa ilang imbestigasyon ang naratibo sa pag-abuso sa gahom ug institutional impunity atol sa Duterte administration. Ang mga testimoniya matud pa sa mga saksi mitukma sa nabulgar nga ebidensya kalabot sa usa ka sistema nga naghatag og insentibo niadtong makapatay sa mga dudahang drug personalities: usa ka sistema nga gisundog sa Davao template ug gi-replicate sa tibuok nasud.
Dugang pa ni Barbers, dili kini report lang sa mga say op nga nahimo kondili panawagan alang sa pag-aksyon.
