BUTUAN CITY – Nahupay ug nalipay ang lima ka nahabiling membro sa gika-intapang “Bali Nine” drug ring nga naka-uli na sila sa Australia, human nagsilbi og halos 20 ka tuig sa mga prisuhan sa Indonesia.
Sila Matthew Norman, Scott Rush, Martin Stephens, Si Yi Chen, ug Michael Czugaj, naka-abot na sa Darwin human ang pila ka tuignga pag-lobby sa Australia on behalf kanila. Gilantaw na nila ang subling pakigkutayj sa sosyudad ug maka-uban na sa hingpit ang ilang mga pamilya. Nagsugod ang high-profile nga kaso niadtong tuig 2005 human nadakpan sa Indonesia ang 9 ka mga kaniadto, batan-ong Australians nga misulay pagpalusot og 8.3-kilos sa heroin nga gibakus sa ilang lawas samtang paggawas na sa Bali.
Nadakpan ang walo ka mga lalaki ug usa ka babaye sa usa ka airport ug usa ka hotel sa Bali human nakadawat og tip gikan sa Australian police.
Mihimo og headline sa tibuok kalibutan ang maong kaso dihang ang duha nila ka mga gang ringleaders nga sila Andrew Chan ug Myuran Sukumaran, gi- execute pinaagi sa firing squad niadtong tuig 2015 – hinungdan sa pagkaguba sa diplomatic relations sa managsilingang nasud sa Indonesia ug Australia.
Ang ubang mga membro sa Bali Nine – nga kadaghanan 21-anyos pa-ubos, gihukman og 20 ka tuig o kaha tibuok kinabuhi nga pagkabilanggo.
