BUTUAN CITY – Patay ang duha ka sakay sa motorsiklo human nadisgrasya kaganinang kapin alas-11:00 sa buntag sa Purok 2, Brgy. Agong-ong, Buenavista, Agusan del Norte.
Migawas sa inisyal nga imbestigasyon nga kusog matud pa ang pagpadagan sa drayber sa motorsiklo samtang angkas ang usa ka dalagita nga gika-ingong membro sa choir sa usa ka simbahan .
Padulong matud pa sa sentrong bahin sa lungsod ang mga biktima dihang duna’y ilang gi-overtake-kan apan tungod sa kakusog sa dagan, wala nila ma-alinggati ang drainage canal sa kilid sa kalsada hinungdan sa pagka-overshoot sa motorsiklo nga miresulta sa pagkalagpot sa driver padulng sa punuan sa Nangka ug tungod sa kakusog sa impact, nabali ang maong tanom.
Samtang ang rambol niining dalagita, didto na usab napunitan sa kanal nga duna’y lagom sa li-og kansa posibleng na-igo matud pa sa sementadong edge sa drainage canal.
