BUTUAN CITY – Malipayong gi-anunsyo sa Siargao Electric Cooperative kon SIARELCO nga nabalik na sa hingpit ang linya sa ilang kuryente sa kinatibuk-an nilang franchise area.
Dako ang ilang pagpasalamat sa Kahitas-an tungod sa paggiya ug pagprotiher kanila sa tanan nga ilang gihimong paningkamot ka-uban ang kinatibuk-ang SIARELCO team ilabina sa ilang technical crew, tungod sa ilang dedikasyon ug mga paningkamot.
Ang maong kalambuan tungod sa ilang malampusong pag-repair sa submarine cable, gamit ang expertise ug abilidad sa mga divers gikan sa Ocean-pro Marine Services ug mga technical experts gikan sa ACAA, Inc. Gidayeg sa SIARELCO ang ilang professionalism ug abilidad alang sa pagsiguro sa luwas ug episyenteng repair sa ilang submarine cable pinaagi sa kuti nga technical works.
Pabiling komitido ang SIARELCO nga serbisyuhan ang ilang mga member-consumer-owners (MCOs) uban sa ilang excellence dungan sa pagsalig nga mas palambuon ug palig-unon pa ang ilang serbisyo aron makab-ot ang mas maayong panginahanglanon sa ilang mga konsumidor.
