BUTUAN CITY – Duha ka mga tawo patay samtang laing tulo ang angol sa ambush nga natigayon sa Barangay Paigoay, Marogong, Lanao del Sur, niadtong Sabado, Disyembre 7, 2024.
Gi-ila ni PBGen. Romeo Juan Macapaz, director sa Police Regional Office-Bangsamoro Autonomous Region, ang mga namatay nga sila retired police officer Solaiman Alibasa ug iyang ka-uban nga si Hadji Asrap Sandab samtang ang mga angol nailang sila Sanaoray Alibasa, Sarpia Mangayao, ug retired police officer Ramil Bao.
Sigon sa Marogong police, padulong sila Alibasa, Sandab, uban sa laing tulo ngadto sa Malabang sakay sa kolor pula nga Toyota Innova dihang kalit lang silang gibanhigan pag-abot nila sa hilit nga dapit sa Barangay Paigoay.
Nakig-alayon na ang mga otoridad sa mga local officials aron pagtumbok sa mga responsable ug pagpasaka unya og tukmang kaso.
