BUTUAN CITY – Ginegar ni kanhi Executive Secretary Atty. Vic Rodriguez sa usa ka podcast ang gipasi-atab sa administrasyong Marcos nga nanawagan matud pa si kanhi Pangulong Rodrigo Duterte sa militar nga aksyunan na ang kasamtangang sitwasyon sa nasud tungod sa padayong word war nila nila Pangulong Ferdinand Marcos Jr ug Besi Presidente Sara Duterte kansa makonsidera matud pa nga seditious.
Sigon ni Atty. Rodriguez, dili sedisyon ang tinud-anay nga pamahayag sa kanhi pangulo tungod kay igo lang kini nangutana sa Armed Forces of the Philippines kon AFP kung hangtud asa kutob ang ilang pagsuporta sa usa ka drug-dependente nga presidente. Kini ilabina nga base sa Konstitusyon, sila ang magprotiher sa mga tawo ug sa nasud.
Gawas pa, igo lang mitubag ang kanhi pangulo sa gipangutana kaniya sa usa ka reporter apan wala kini nanawagan sa militar nga manginlabot na.
Gidugang pa ni Atty. Rodriguez, dakong insulto nga ang mayoriya sa katawhang Filipino, mas misalig pa sa mi-aging pangulo kumpara sa kasamtangan. Iya usab nga gikwestyon ang pag-apil apil sa mga kadagkuan sa Philippine National Police ug sa Armed Forces of the Philippines sa away sa pulitika tungod kay lahi ang ilang mga trabaho.
Samtang gikatingala usab ni Davao City Mayor Sebastian ‘Baste’ Duterte kung asa gikuha sa kampo sa administrasyon ang gipasi-atab nilang nanawagan matud pa og kudeta ang iyang amahan batuk kang Pangulong Bongbong Marcos.
