BUTUAN CITY – Nanguna ang Bahay Pag-asa sa probinsya sa Agusan del Norte atol sa gipahigayong Closing and Awarding Program sa ika-13 nga Juvenile Justice Consciousness Week Celebration nga gipahitabo sa SM Butuan City kagahapong adlawa.
Ang maong aktibidad gipangunahan sa Regional Juvenile Justice and Welfare Committee – Caraga.
Gipasidunggan ang Bahay Pag-asa isip Most Featured Children in Conflict with the Law (CICL) Success Story alang sa Bahay Pag-asa Agusan del Norte.; Best Success Story for LGUs/Agency/Partner’s Category – Usa ka inspirasyonal nga sugilanon “The Story of Faith, Family, Hope of Bahay Pag-asa Agusan del Norte,” nga naglangkob sa personal nga biyahe sa Center Head nga kaniadto usa usab ka Childrens In Conflict with the Law kon CICL. Lakip usab sa nadawat ang Plaque of Recognition alang sa Bahay Pag-asa tungod sa maayong mga pamaagi sa pagpatuman sa mga Center-Based Interventions samtang Top Performer Awardee kini alang sa Local Government Unit (LGU)-initiated activities nga nagsuporta sa ika-13 nga Juvenile Justice and Welfare Consciousness Week Celebration.
Kini gawas pa sa mga pasidungog alang sa CICL residents sa natad sa sports ug talent competition.
Sa maong mga kalampusan gipakita niini ang dakong dedikasyon ug kaakuhan sa Bahay Pag-asa Agusan del Norte sa paghatag ug oportunidad sa pagpanguna sa gobyerno uban sa suporta sa pamilya, ug komunidad alang sa pagdasig sa kabag-ohan sa mga CICL.
Naghatag Ang mga pasidungog dili lang sa institusyon apan usa usab ka pagpamatuod nga adunay kahayag ug paglaum alang sa mga kabatan-onang nakaagi sa kalisod ug gustong mag bag-ong kinabuhi.
