BUTUAN CITY – Gipadayag ni House Sergeant-at-Arms retired PMGen. Napoleon Taas nga ang gihimo kagabii ni Vice President Sara Duterte, nakabalda sa ilang operasyon ug nakahatag matud pa og kompromiso sa siguridad sa premises sa House of Representatives.
Direkta usab matud pang gibabagan ni VP Sara Duterte ang pag-execute sa transfer order sa iyang chief of staff nga Atty. Zuleika Lopez, gikan sa detention facility sa House of Representatives ngadto na sa Women’s Correctional Facility.
Gibasa pa niini ang sinulat niyang pamahayag nga nagbutyag nga ang wala gilayon pag-aksyon sa house committee nga nag-contempt kang Atty. Zuleika Lopez sa hangyong pasudlon gilayon ang ambulansya, tungod matud pa sa padayong paglapas ni VP Sara sa ilang patakaran ug pagbalewala sa kamanduan nga biyaan na ang house premises.
