BUTUAN CITY – Gipahimangno karun ang hilabihan ka-delikado og dakong hulga sa kinabuhi ang sitwasyon sa Aurora tungod sa pagmintina sa kakusgon ni Super Typhoon Pepito nga gitakdang m-landfall ning mga oras.
Ulahing nasigpatan ang sentro sa mata sa bagyo sa kadagatan sa Baler, Aurora bitbit ang kakusgon sa hangin nga 185 km/h dool sa sentro og pagbuylo nga muabot sa 230 km/h. Naglihok kini pa-amihanang kasadpan sa kapaspas nga 20 kilometros matag takna.
Tungod niini, giisa ang tropical cyclone wind signal number 5 sa central portion of Aurora kini ang Dipaculao, Baler, Dinalungan, Maria Aurora, Casiguran, San Luis; southern portion sa Quirino ang Nagtipunan og southern portion sa Nueva Vizcaya nga mao ang Alfonso Castañeda.
Gawas niini daghang mga lugar pa gihapon ang gipailalom sa signal number 4 . Kini mao ang Aurora, nahabiling parte sa Nueva Vizcaya, nahabiling parte sa Quirino, southern portion sa Ifugao, Benguet, southern portion of Ilocos Sur , La Union, eastern portion of Pangasinan, northern portion of Nueva Ecija og northern and eastern portion of Polillo Islands. Samtang daghang mga lugar ang anaa sa signal number 3, 2 og 1.
Base sa forecast, posibleng makagawas na sa Pilipinas si Bagyong Pepito unyang gabii o ugma sa sayu sa buntag. Lakip usab sa gipahinumdum sa state weather bureau nga dunay mga kusog nga pagbundak sa ulan, kusog nga huyop sa hangin og storm surge bisan sa mga lugar gawas sa gitugpahan niini.
