BUTUAN CITY – Patay na kagahapong adlawa, Nobyembre 3, sa edad nga 55-anyos ang kanhi aktres ug kanhi mayor sa Pagsanjan, Laguna nga si Girlie “Maita Sanchez” Ejercito tungod sa endometrial cancer. Namatay si Girlie sa St. Luke’s Medical Center, Quezon City. Siya ang asawa sa aktor ug kanhi Laguna governor ER Ejercito nga maoy nagkumpirma sa nasangpit nga balita pinaagi sa iyang Facebook post.
Gibiyaan sa mayor ang ilang lima ka mga anak nga sila Eric, Jet, Jerico, Jhulia, Diego ug Gabriela. Hayaon ang kanhi mayor sa iyang pinuy-anan sa The Don Porong Ejercito, 1912 Ancestral Mansion, Pagsanjan Laguna.
Madumdumang nagsilbing mayor si Maita sa Pagsanjan sukad niadtong Hunyo 30, 2010 hangtud Hunyo 30, 2019. Nahimo usab siyang bise-mayor sa Pagsanjan niadtong Hunyo 30, 2019 hangtud Hunyo 30, 2022. Kadaghanan sa iyang mga pelikulang mga action films nga ang bida mao ang King of Philippine Movies nga si Fernando Poe Jr.
