-- ADVERTISEMENT --
BUTUAN CITY – Nagpa-abot na sa iyang pahasubo ang hari ug rayna sa Espanya nga sila King Felipe VI ug Queen Letiza kalabot sa nasinatiang torrential rain sa Valencia, nga ningkutlo na og 95 ka mga kinabuhi.
Sumala sa royal couple, tungod sa pagbundak sa pang-usa ka tuig nga ulan sulod lang sa walo ka oras, dakong damyos ang gibilin niini sa sektor sa ekonomiya, agrikultura ug uban pang industriya.
Gipahibalo usab sa hari nga hangtud ning mga taknaa, daghan pang mga dalan ang dili pa maagi-an tungod sa dakong baha hatud sa maong pag ulan.
Lakip sa nagpagawas og pamahayag si Prime Minister Pedro Sanchez, dungan sa iyang pagdeklara og tulo ka adlaw nga pagbangutan tugod sa kadaghan sa mga namatay tungod sa maong baha.
-- ADVERTISEMENT --
