BUTUAN CITY – Padayon pang gi-imbestigahan sa kapulisan sa San Nicolas, Ilocos Norte ang pagbanhig-patay sa usa ka barangay kapitan ug duha niya ka mga bodyguards sa may Brgy. 22.
Naila ang mga biktima nga sila Association of Barangay Captains kon ABC President Mark Adrian “Macky” Barba ug iyang mga bodyguards nga Lord Wayne Bautista Menor, 26-anyos nga taga-Brgy. 12 San Cayetano ug Raffy Agraan Ulep, 39-anyos nga taga-Brgy. 6 San Juan Bautista, parehong sakop sa San Nicolas.
Sigon sa San Nicolas Municipal Police Station, sakay ang mga biktima sa kolor gray nga Toyota Innova nga gimanehuan ni Menor dihang kalit silang gibanhigan rason nga nawad-ad og kontrol sa manibela ni Menor ug mibangga sa nakaparadang Toyota Fortuner.
Naka-angkon og mga saad-pinusilan sa nagkada-iyang parte sa ilang kalawasan ang mga biktima apil na sa ilang ulo hinungdan nga patay nang naka-abot sa ospital Barba ug Ulep samtang sa ospital na usab namatay si Menor human nga wala makaya ang mga samad-pinusilan.
Narekober sa crime scene ang 40 ka mga basiyo sa bala.
