BUTUAN CITY – Padayon pang gi-imbestigahan sa Ilagan Police Station ang natigayong pagpamusil atol sa kasal nga mikalas og tulo ka mga tawo didto sa Purok 6, Barangay Centro San Antonio, Ilagan City, Isabela.
Sigon ni PCPT Ronnie Heraña Jr., Chief Investigator sa City of Ilagan Police Station, natigayon ang insidente pasado alas-3:30 kaganinang kaadlawon nga mikalas sa kinabuhi nila Charlie Rosete, 49-anyos, mag-uuma; Marvin Jake Coloma, 23-anyos, minyo ug sa suspetsadong si Arnel Bielgo, usa usab ka mag-uuma, parehong residente sa maong dapit.
Migawas sa inisyal nga imbestigasyon nga kalit lang nagpa-arak sa iyang armas Bielgo atol sa kasal kondiin unang na-igo soi Rosete.
Daling misibat ang suspetsado apan gigukod siya sa mga barangay tanod ug sa mga residente ug padayong namusil nga mi-igo kang Coloma, kinsa apil sa migukod kaniya.
Atol sa ginukdanay, gibato siya kondiin na-igo siya sa ulo hinungdan usab sa iyang kamatayon.
Narekober sa mga pulis ang usa ka .38 caliber revolver nga duna’y tulo ka mga buhing bala ug laing ka basiyo sa maong armas.
