BUTUAN CITY – Gibotaran sa mga senador sa Kenya ang pagtangtang kang Deputy President Rigathi Gachagua gikan sa katungdanan tungod sa iyang kapakyas pag- testify sa iyang impeachment trial human gibutyag sa iyang abogado nga gidala siya sa ospital.
Sa usa sa pinakapuno sa drama nga mga adlaw sa political history sa Kenya, gikatakda untang mupatim-aw si Gachagua sa Senado human og pani-udto aron depensahan ang iyang kaugalingon, usa ka adlaw human nag-plead not guilty sa 11 ka mga kaso.
Apan wala mupatim-aw si Rigathy Gachagua kinsa mas naila sa bansag nga Riggy G, kondiin mihangyo pa ang iyang abogado nga isibog ang pagtaral tungod kay gidala sa ospital ang iyang kliyente tungod sa nasinatian niining chest pain ug gitambalan sa mga doktor sa The Karen Hospital.
Apan mas gipili sa mga senador nga ipadayon ang impeachment trial bisan og wala siya hinungdan nga mibiya sa chamber ang iyang defense team.
