BUTUAN CITY – Padayon pang gi-imbestighan sa kapulisan sa Bayugan City lalawigan sa Agusan del Sur ang pagpusil-paty sa usa ka ginang sa Purok 5, Brgy. San Agustin, sakop sa maong siyudad ning mi-aging Huwebes sa hapon.
Naila ang biktimang si Irish Alcover-Toto, 33-anyos, residente sa maong dapit. Base sa inisyal nga imbestigasyon, sakay na ang biktima sa bajaj kugos ang 4-anyos nga anak aron unta mu-apas sa iyang bana nga ania matud pa sa Butuan.
Kalit lang matud pang mitapad ang riding-in-tandem kondiin gipangutana siya kung naka-ila siya kang Irish Toto ug dihang iyang gisultihan nga siya kini, dinhi nasiya gipusil sa likod nga milapos sa iyang dughan hinungdan sa iyang pagkatumba.
Nasayrang tulo ka adlaw adiser ang kremin, duna nay nabantayan nga mga nakamotorsiklo nga lalaki nga nagbaras-baras sa pinuy-anan niini.Gipadayag usab sa anak sa biktima nga wala siya’y nasayrang duna kini kaaway.
