BUTUAN CITY – Mi-abot sa 13 ka mga balay ang na-abo sa kalayo kaganina sa may Purok 3, Brgy. Upper Doongan ning siyudad sa Butuan nga naka-apekto sa 16 ka mga pamilya. Sa inisyal nga pakisusi sa Bureau of Fire Protection kon BFP-Butuan, gibutyag sa ilang tigpamaba nga si FO2 Sheila Marie Gultiano nga P120,000.00 ang inisyal nga damyos nga ilang natala tungod kay gama man sa mga light materials ang maong kabalayan.
Ila matud pang nadawat ang fire call pasado alas-12:30 ug naka-abot sila dayong palong sa kalayo paglabay sa 5-minutos hangtud nga ilang nakontrola ang kalayo pasado ala-1:30 na sa hapon.
Nalangay matud pa ang ilang overhauling tungod sa kadaghan sa mga gipangtambak nga combustible materials sama sa mga bagang karton, papel ug uban pa hangtud nga nadeklara ang fire out pasado alas-3:33 na sa hapon.
Dugang pa sa opisyal, apil sa ilang gilantaw nga hinungdan sa sunog ang faulty electrical wiring, gilabay nga sigarilyo ug nag-magnify nga init sa adlawa nga midukot sa karton.
