BUTUAN CITY – Gideklara sa Foreign Ministry sa Israel isip persona non grata si United Nations Secretary-General Antonio Guterres. Sumala ni Foreign Minister Israel Katz, epektibo gilayon ang maong mandato diin gibawalan nang makasulod sa Israel si Guterres. Gihimo sa Israel ang maong lakang human nga wala gilayon nihimo’g lakang si Guterres sa pagpaulan og missile sa Iran ngadto sa ilang nasud ning nakalabay nga gabie.
Gi-akusahan usab sa Israel si Guterres isip anti-Israel ug ningsupporta matud pa sa mga teroristang grupo. Una nang gikondena sa Israel ang UN human nga wala gilayon naghimo og lakang human sila gisulong sa mga teroristang grupong Hamas niadtung Oktubre sa nakalabay nga tuig.
Kahibaloan nga bag-ohay pa lamang nagpagawas sa iyahang mensahe sa pagkondena si Guterres sa gihimo sa Iran ngadto sa Israel.
