BUTUAN CITY – Mukabat sa P3 billion ang igahin sa National Commission of Senior Citizens isip cash gifts ngadto sa katigulangan nga Filipinos nag-edad ug 80, 85, 90, 95, ug 100-anyos higayong ma-aprubahan ang proposed 2025 national budget.
Sumala ni Ida Yap-Patron, commissioner IV sa National Commission of Senior Citizens cluster 8, cover sa PHP173 million nga pundo ang PHP100,000 nga cash gift alang sa 1,730 ka mga bag-ong centenarians samtang ang nahabilin, gamiton alang sa PHP10,000 grant alang sa octogenarians ug nonagenarians.
Pinaagi sa expanded Centenarian Act, ang mga senior citizens nga nag-edad ug 80, 85, 90, ug 95-anyos nga nagpuyo sa Pilipinas ug sa abroad, makadawat ug PHP10,000 cash incentive sa matag-age milestone ug makadawat gihapon ug PHP100,000 sa pag-abot ug 100 years old.
Gi-awhag ni Commissioner Patron ang katigulangan nga magpa-register na aron makadawat sa grants sunod tuig. Karon ang National Commission of Senior Citizens nakig-alayon sa mga government units, Philippine Statistics Authority, Department of Social Welfare and Development, ug sa Department of Information and Communications Technology, alang sa online registration. Sa original Centenarian Law ang covered lang nga Filipinos ang kadtong mga nakatungtong ug 100-year old.
