BUTUAN CITY – Usa ka 58-anyos nga babaye sa Ontario, Canada ang nag-atubang og kasong assault with a weapon human na-isprihan og water gun taliwa nga aksidente lang ang nahitabo tungod sa pagpakigdula niini sa usa ka bata. Niadtong September 1, si Wendy Washik, usa ka educational assistant gikan sa Simcoe, Ontario, nakigdula sa mga bata atol sa backyard barbecue dihang aksidente niyang na-isprihan ang iyang silingan nga namutol og sagbot.
Sigon ni Wendy, dali siyang nangayo og pasaylo apan gisigihan ra siya og singhag sa iyang silingang lalaki dayong sulod sa iyang balay ug nanawag og pulis dayong report nga gi-physically assault matud pa siya. Ang gikalagutan ni Washik tungod kay gikasuhan gilayon siya bisan og wala tan-awa og una ang iyang gigamit nga water gun ug wala pa gani siya pangutan-a kalabot sa maong hitabo nga gikakurat usab sa iyang bana.
Dihang gikompronta sa mga reporters ang mga pulis kung ila bang gikumpirma og una ang hinagiban nga gigamit sa gika-ingong assault, wala na mikomento niini ang pulis tungod kay napasaka na matud pa sa korte ang kaso.
