BUTUAN CITY – Gipaniguro ni World Boxing Council (WBC) minimumweight champion Melvin “Gringo” Jerusalem nga init ang panag-agbat nila sa challenger nga si Luis “Fiechita” Castillo karong Dominggo alang sa WBC title. Si Castillo nga usa ka undefeated number 1 contender ni Jerusalem, duna’y record nga 21 ka daug apil na ang 13 ka mga knockouts.
Bisan og bisita lang, nagtuo kining kaya niyang hukasan og titulo si Jerusalem sa sa kaugalingon niining nasud tungod kay gipangandaman niya og maayo ang ilang away. Si Jerusalem usab duna’y 23 kadaug, tulo ka pildi ug 12 ka mga knockouts ug unang higayon nga iyang depensahan ang iyang bakus.
Gusto sa Pinoy boxer nga matangtang ang handumanan sa pagkaparot niya kang Oscar Collazo sa Puerto Rico sa World Boxing Organization kon WBO world minimumweight title.
