Miyazaki Prefecture sa Japan, gitay-og sa magnitude 7.1 nga linog

BUTUAN CITY – Gitay-og sa magnitude 7.1 nga linog ang kabaybayunan sa Miyazaki Prefecture sa Kyushu region sa Japan nga nakapa-trigger sa tsunami warning rason nga gipahikling gilayon ang mga tawo sa mga evacuation centers sa taas nga lugar. 

Nabati ang maong pagtay-og sa southern Japanese island sa Kyushu, hinungdan sa karatol sa mga residente.

Padayong gipanawagan sa mga otoridad ang katawhan nga musaka sa mas taas nga lugar ug magpabiling alerto sa kanunay. 

Naka-high alert na usab ang mga emergency services samtang mihimo og close monitoring sa sitwasyon.

Ang posibleng tsunami nakadugang karon sa kabalaka sa posibleng mahimong impact niini sa kabaybayunan.