BUTUAN CITY – Ningkabat na sa 59 ka mga tawo ang namatay sa heat stroke sa Japan tungod sa record breaking nga kainit sa panahon. Kahibaloang nakatala na ang maong nasud og pinakataas nga temperatura sulod sa 126 ka tuig, dugangan pa kini sa heatwave nga mas gipagrabe pa sa climate change.
Sumala ni Bombo international correspondent sa Japan Josel Palma, natala ang pinakataas nga temperatura sa Shizuoka kansa maoy pinaka-una sa Japanese region diin ning abot kini sa 40-degrees Celsius kansa lapas usab sa 35-degree threshold.
Kini na ang pinaka-init sa maong nasod base sa record sa Japan Meteorological Agency.
Lakip sa mga contributing factors sa taas nga temperatura ang high-pressure system sa Dagat Pasipiko ingon man ang init nga hangin gikan sa habagatang bahin sa Japan.
