BUTUAN CITY – Shock dili lang ang mga ginikanan sa usa ka 4-anyos nga batang lalaki sa France, kondili apil na ang mga doktor tungod kay milagro kining naluwas human nahulog gikan sa ika-16 nga andanang building unta minor injury lang ang na-angkon.
Natigayon kini sa usa ka high-rise apartment complex sa Aubervilliers, central France.
Sigon sa amahan sa batang si Enzo nga si Ji, kanunay nilang gi-monitor ang bata tungod kay autistic ug dihang mihilak sulod sa iyang kwarto, natingala na lang sila nga mihilom kini og kalit.
Nakurat na lang sila nga wala na ang bata ug abli na ang bintana sa kwarto hangtud nga nakita nilang nahulog na diay kini ug nasangit sa atop sa parmasya nga anaa sa ubos rason nga dali nila kining ginaog.
Ang mas gikakurat nila kay igo lang namapha ang bata ug mihilak kondiin dali nila kining gidal sa Ecker Hospital ug dihang gi-examine, nasuta nga duna kini minor bleeding sa kidney ug lungs nga daling gitambalan ug anaa na sa luwas nga kahimtang.
Sigon ni French doctor Veronique Bourg, ang mga bata duna’y favorable coefficient sa elasticity sa mga bukog ug joints nga hayan maoy rason nga wala magrabihi ang bata.
