-- ADVERTISEMENT --
BUTUAN CITY – Padayon pang gipangita sa kapulisan sa General Santos City ang inahan nga mibilin lang sa iyang bag-ong natawong anak ilalom sa punuan sa kapayas kilid sa kalsada sa Purok Mapa-ilubon, Brgy. San Isidro sa maong siyudad ug giputos lang og lampin.
Sigon ni Lilia Manio, ang iyang apo maoy nakakita sa bata nga gisulod pa sa eco bag nga una na nilang gitu-uhang iring hangtud nga dihang ilang gikuha, dinhi na nila nasuta nga usa diay kini ka batang lalaki nga wala pa maputli og pusod ug gi-amigas na.
Gitu-uhang gipadede pa kini sa iyang inahan tungod sa gatas nga anaa sa ba-ba niini.
Gikostudiya na sa City Social Welfare and Development kon CSWD Office ang nasangpit nga bata ug anaa na sa maayong kahimtang.
