6 ka tawo, patay sa lihok protesta sa Nairobi, Kenya

BUTUAN CITY – Muabot sa unom katawo ang napatay human ang engkuwentro sa mga protesters ug kapulisan sa Nairobi, Kenya. Mihimo og lihok protesta ang mga katawhan aron supakon ang planong pagpataas sa buhis.

Gipugos sa mga protesters nga makapadool sa parliament building apan gibabagan sila sa mga kapulisan.

Gisunog usab sa mga protesters ang City Hall sa Nairobi samtang anaa sa 40 katawo ang samdan nga gidala sa ospital.

Gawas sa capital nga Nairobi pipila ka lihok protesta usab ang nahitabo sa ubang parte sa Kenya.

Depensa sa gobyerno nga mahinungdanon ang pagpataas sa buwis aron malikayan ang ilang mga pag-utang. Base sa proposal nga dunay 16 porsiento sa buwis ang ipahamtang sa mga pan ug 25 percent nga tax usab sa mga cooking oil.