BUTUAN CITY – Ningbati og kasubo ang mga personahe sa Department of Education kon DepEd-Caraga sa pagkanaog na sa pwesto ni Vice President Sara Duterte isip DepEd Secretary sa nasod.
Sigon ni Pedro Tecson, tigpamaba sa DepEd-Caraga, dili ikalimod nga daghan ang nahimo ang maong opisyal diha sa ilang ahensya, sama na lang sa pag-implementar sa Matatag Curriculum, paghatag ug 30 diyas nga uninterrupted nga bakasyon sa mga magtutdlo, ug uban pa.
Pagklaro pa ni Tecson, andam nilang dawaton ang ibutang sa presidente isip ilang secretary, sukwahi sa kabalaka sa ubang mga concerned citizens nga kinahanglan nga gikan ra usab sa DepEd ang musunod niini.
Sigon sa opisyal, bisan og ila kining gikaguol, apan wala sila mawad-i og paglaum tungod kay sayod sila nga dunay ikapuli sa besi presidente nga sama gihapon niini og katakus.
