-- ADVERTISEMENT --
BUTUAN CITY – Kasado na ang tulo ka adlaw nga hunong-pasada sa grupong Samahang Manibela Mananakay at Nagkaisang Terminal ng Transportasyon kon MANIBELA karong Hunyo 10 hangtud 12.
Sigon ni MANIBELA President Mar Valbuena, mu-abot sa 100,000 nila ka mga miyembro ang musalmot sa transport strike gikan sa Metro Manila, CALABARZON kon Calamba, Laguna, Batangas, Rizal ug Quezon; Central Luzon, Ilocos Region ug Cordillera Administrative Region.
Magpahigayon usab sila og lihok-protesta atubangan sa opisina sa Metropolitan Manila Development Authority kon MMDA. Gikasuko sa grupo ang pagdakop sa mga de-pasaherong jeepney nga wala ka-apil sa franchise consolidation.
