BUTUAN CITY – Hilabihan ang kalipay sa usa ka senior high school student human siya midaug sa grand draw sa Buena Mano Salvo Year 18 promo sa kantidad nga 15-mil pesos.
Sa eksklusibong pakighinabi sa Bombo Radyo Butuan, gibutyag ni Lourdes Lyndel Alejandro nga taga Purok-3, Barangay Kinamlutan, Butuan City nga nagkugi lang siya sa pag-apil sa promo kauban ang iyang inahan.
Dakong tabang matud pa kini sa iyang pag-eskwela og sa negosyo sa iyang inahan rason nga nagpasalamat kini sa Bombo Radyo dayung aghat sa tanan sa pag-apil sa musunod nga mga promo sa Bombo Radyo Philippines.
Samtang halos makahilak usab sa kalipay si Editha Fernandez nga taga taga Purok humay, Brgy. Basag ning siyudad human midaug og 10-mil pesos. Sigon ni Fernandez, kanunay na siyang mag-apilan sa promo apan karun lang gi-swerteng modaug. Angayon matud pa niya ang iyang nadag-an ngadto sa mga tawong maoy kuhaan niya og proof of purchase.
Lakip sa nakadaug sa grand draw si Jimmy Napuli nga taga Purok-14, Upper Mandacpan, Bryg. San Vicente ning siyudad sa Butuan.
Nasayrang muabot sa 104, 982 ang entries nga gibola dinhe sa Bombo Radyo Butuan atol sa grand draw ning nakalabayng adlaw.
