BUTUAN CITY – Nasaksihan na sugod sa alas-5:20 ning sayo sa buntag karong adlawa, Huwebes, Abril 4, sa mga celestial enthusiasts ug mga astronomers diha sa atong kawanangan ang usa ka pinasahi nga cosmic event, ang planetary alignment sa upat ka mga planeta sa atong solar system kondiin makita silang maglinya.
Sigon sa Philippine Atmospheric, Geophysical and Astronomical Services Administration kon PAGASA, ang maong planetary alignment nga na-atol sa pagsa-ulog sa Global Astronomy Month, mag-feature sa mga planetang Venus, Saturn, Mars, ug Neptune.
Makita sa atong yanong mga mata ang mga planetang Venus, Saturn ug Mars nga maglinya samtang ang Neptune, makita lang kung mugamit kita og mga high-powered binoculars.
Ang planetary alignment mutumaw kung ang mga planeta sa atong solar system makita nga daw nagporma og usa ka straight nga linya o kaha dug-ol nga magtapok diha sa kawanangan nga makita nato dinhi sa kalibutan.
Ang ilang paglinya nga dili susama ka komon sa pipila ka mga astronomical phenomena, naghanyag gihapon og nindot nga kahigayunan aron atong makita ang ka-anindot sa atong uniberso.
