BUTUAN CITY – Kapin sa 50-mil ka mga tawo ang gila-umang mulambigit sa himuong multi-sectoral prayer rally nga bansagang One Nation, One Opposition ugmang adlawa Dominggo sa Davao City.
Kini aron protestahan ang paggamit sa mga programa sa gobyerno apil na ang buhis sa katawhan aron lang linglahon ang mga Filipino ilabina ang mga rehistradong botante diha sa pagpirma sa mga dokumento nga magsuporta na diay sa pag-amyenda sa Konstitusyon.
Alayon niini, nanawagan si Davao City 3rd District Councilor Conrado Baluran sa tibuok nasud nga mu-apil sa prayer rally nga pangunahan sa mga Davao leaders ug mga membro sa academe ug mga concerned citizens.
Sigon sa opisyal, magpabiling lig-on ang Davao City ug padayong makighi-usa alang sa usa ka nasud ug usa ka kusog nga oposisyon.
Giklaro pa sa konsehal nga dili mapalit ang mga Davaoeño dayong pagklaro nga himuon ang prayer rally aron protestahan ang mga taktika nga maoy gigamit sa gihingusgan karong people’s initiative.
Una nang gibaharan sa Commission on Elections kon COMELEC ang mga barangay officials nga dili manguna sa pagpanguha og pirma alang sa maong lakang
