BUTUAN CITY – Gimanduan sa Diocese of Butuan ang mga sakop niining parokya nga magmugna og Disaster Response and Crowd Management Ministry aron duna gilayo’y mu-aksyon nga mga taga-simbahan higayong duna’y mu-igo nga kalamidad sama sa linog subay sa pagsugod na sa simbang gabi karong gabii ug misa de gallo unyang kaadlawon.
Sa eksklusibong pakighinabi sa Bombo Radyo Butuan, gibutyag ni Fr. Daryl Glenn Tatoy, tigpamaba sa diocese nga kinahanglang plastado ang tanan sa sulod ug gawas sa simbahan ilabina ang siguridad sa kasimbahanan.
Kini wala pa’y labot sa seguridad nga giplastar usab sa mga local government units uban sa pakig-alayon sa kapulisan kansang tahas tamdan nila sulod sa siyam ka adlaw ug gabii sa maong kasa-ulugan.
Gipasabot usab ni Fr. Tatoy nga ang misa de gallo ug simbang gabi, pagpasalamat sa tanang katawhan ngadto sa Kahitas-an sa tanang grasyang nadawat rason nga gitawag usab matud pa kining misa-de-aginaldo.
Makonsidera usab kining pagpangandam sa kaugalingon ilabina sa espirituhanong aspeto pila ka adlaw adiser ang pagsa-ulog sa mismong adlaw nga natawhan ni Hesu Kristo nga mao ang Pasko.
