BUTUAN CITY – Kapin sa 100 ka mga tawo ang patay ug kapin 100 usab ang angol human mitay-og ang kusog nga linog sa hilit nga dapit sa western Nepal.
Nag-deploy na og security forces aron mutabang sa rescue efforts sa nadamyos nga distrito sa Jajarkot ug sa West Rukum, 500-kilometros sa kasadpang bahin sa capital Kathmandu. Nabti usab kini sa pipila ka mga siyudad ug mga silingang nasud sa India apil na sa Delhi.
Sigon sa army spokesman, puno-puno sa mga angol ang ospital sa Jajarkot tungod sa kadaghan sa gipangdalang mga angol.
Makita sa nanggawas nga mga video footages ang nahugmak nga pila ka andanang brick houses kondiin nag-iyahay pagkabot ang mga twao sa pangindahay nga makakuha sila og mga survivors.
Mipadayag na sa iyang kasubo si Nepal Prime Minister Pushpa Kamal Dahal sa maong hitabo dayong mando sa mga security agencies nga maglusad gilayon og rescue ug relief operations.
Sigon sa Monitoring and Research Centre sa Nepal, na-monitor matud pa sa US Geological Survey nga mi-abot sa magnitude 5.6 ang gikusgon sa linog.
