BUTUAN CITY – Anaa na sa state of decomposition nga napalgan sa P-10, Brgy. MJ Santos, ning siyudad sa Butuan bandang alas 2:00 kagahapon sa hapon ang usa ka transgender human nawala niadto pang Hulyo 22, ning tuiga.
Naila ang maong biktima nga si Jerry Apac Amihan, 51 anyos, ulitawo ug residente sa Purok 3 Brgy. Kauswagan, Cabadbaran City, Agusan del Norte.
Sumala ni PCpt Denise Bon, ang hepe sa Butuan City Police Station 5, nadiskobrehan ang patay’ng lawas sa mismong kapulisan sa Cabadbaran sa Barangay San Mateo ning syudad, uban sa hini-usang pwersa sa kapulisan sa Butuan nga maoy nangunay pagpangita sa biktima.
Duna’y tima-ilhan nga gisunog kini ug na-ilhan lang tungod sa kulentas nga suot niini.
Sa kasamtangan anaa na sa usa ka funeral home sa Cabadbaran City ang patayng lawas sa biktima.
